Har Kisi Ko Teri Yahaan Daraqaar Hai,
Maanate Hain Sabhi Shyam Sarakar Hai,
Ab Kisi Se Koee Shyam Shiqava Nahin,
Samane Phir Tumhara Jo Aana Hua,
Teri Murali Kee Dhun Ham Ne Jab Se Suni,
Saara Barasana Tera Diwana Hua,

Ham Jeete The Mar Mar Ke O Sanware,
Dar Pe Aake Tere Ham Hue Banware,
Dukhade Kitane Hai Sahane Bata De Mujhe,
Sukh Dekhe Mohan Ik Jamaana Hua,
Teri Murali Kee Dhun Ham Ne Jab Se Sunee,
Saara Barasana Tera Diwana Hua,

Chaahe Kaalee Ghata Ho Ya Laakhon Toophaan,
Tumakon Aana Padega Kanhaiyaan Yahaan,
Tere Charanon Mein Ai Murali Vaale Mere,
Aaj Tak Na Hamaara Thikaana Hua,
Teri Murali Kee Dhun Ham Ne Jab Se Sunee,
Saara Barasana Tera Diwana Hua,

Gir Na Jaoon Teri In Kathin Raahon Mein,
Paas Aaja Mere Thaam Le Baanhon Mein,
Ab Surendr Ko Apana Bana Saanvare,
Bairee Dushman Ye Saara Jamaana Hua,
Teri Murali Kee Dhun Ham Ne Jab Se Sunee,
Saara Barasana Tera Diwana Hua,