Barbarik Chalane Lage Ghar Se,
Yuddh Ki Ichchha Sath Lie,
Tarakash Mein Saje Tin Ban,
Phir Mata Ko Pranam Kie,
Barbarik Ne Man Ka Vachan Mana,
Chale Vachan Nibhane Ko,
Hare Ka Bas Sath Hai Dena,
Baithe Lile Jane Ko,
Raste Mein Ek Brahman Mil Gae,
Bole Kuchh Upakar Karo,
Shyam Sa Dani Koi Nahin Hai,
Socho Thoda Vichar Karo
Shyam Ka Sumiran Apane Man Mein,
Shraddha Se Ek Bar Karo.

Brahman Rup Mein Narayan The,
Sari Bat Vo Janate The,
Gar Yuddh Mein Ye Pahunch Gae To,
Kuchh Na Bachega Manate The,
Mahabharat Ke Yuddh Mein,
Kaurav Pandav Ka Sangram Jo Hai,
Kaurav Hi Harenge Kyonki,
Pandav Sang Shri Shyam Jo Hain,
Liladhar Ki Lila Nyari,
Manga Shish Ka Dan Karo,
Shyam Sa Dani Koi Nahin Hai,
Socho Thoda Vichar Karo
Shyam Ka Sumiran Apane Man Mein,
Shraddha Se Ek Bar Karo.

Barbarik Ji Samajh Gae Kaha,
Kaun Ho Mujhe Batao Tum,
Shish Dan To Le Lo Apana,
Asali Rup Dikhao Tum,
Phir Narayan Ne Die Darshan,
Barbarik Ne Naman Kiya,
Yuddh Dekhane Ki Hai Ichchha,
Aisa Mukh Se Vachan Kaha,
Shish Ko Kata Krshn Se Bole,
Dan Mera Svikar Karo,
Shyam Sa Dani Koi Nahin Hai,
Socho Thoda Vichar Karo
Shyam Ka Sumiran Apane Man Mein,
Shraddha Se Ek Bar Karo.

Narayan Ne Shish Liya,
unche Parvat Par Tika Diya,
Sara Yuddh Dekhoge Unaki,
Ichchha Ka Bhi Man Kiya,
Mere Nam Se Duniya Pujegi,
Aisa Varadan Diya,
Barbarik Phir Shyam Ho Gae,
Narayan Ne Nam Diya,
Mere Shyam Ne Apana Nam Diya,
Kalayug Mein Nahin Shyam Sa,
Koi Shyam Nam Se Pyar Karo
Shyam Sa Dani Koi Nahin Hai,
Socho Thoda Vichar Karo
Shyam Ka Sumiran Apane Man Mein,
Shraddha Se Ek Bar Karo.