Tumako Hai Maalum Sabhi Kuchh,
Gheren Khade Hain Gam Kitane,
Tumase Nahin To Kisase Kahen,
Laachaar Bade Hain Ham Kitane,
Tumase Hai Ye Vinati Meri,
Kshama Karo Aparaadh Mere,
Bhid Dukhon Ki Ghere Khadi Hai,
Koi Nahin Hai Saath Mere,
Karun Tumhari Charan Vandana,
Kasht Hamaare Vida Karo,
Dwar Khadi Shri Shyam Tumhare ,
Shyam Prabhu Tum Daya Karo.

Duniyaan Ki Kya Baat Karun Main,
Parachhai Bhi Dushman Hai,
Raahen Ho Gai Angaaron Si,
Aag Mein Jalata Jivan Hai,
Haath Dharo Mere Sar Ke upar,
Shital Si Chhaaya Kar Do,
Ho Jaen Duhkh Dur Hamaare,
Tum Aisi Maaya Kar Do,
Karun Tumhari Charan Vandana,
Kasht Hamaare Vida Karo,
Dwar Khadi Shri Shyam Tumhare ,
Shyam Prabhu Tum Daya Karo.

Kab Kaatoge Shyam Hamaari,
Kismat Ki Janjiron Ko,
Rang Do Khushiyon Se Haathon Ki,
In Berang Lakiron Ko,
Daya Karo He Khaatu Vaale,
Dar Dar Ki Thukarai Hun,
Nyaay Milega Dar Pe Tumhare ,
Yahi Soch Ke Aai Hun,
Karun Tumhari Charan Vandana,
Kasht Hamaare Vida Karo,
Dwar Khadi Shri Shyam Tumhare ,
Shyam Prabhu Tum Daya Karo.