Nar Shareer Anmol hai bande, Shiv kripa se paaya hai
Jhuthe jag prapanch me padkar, kyu jag ko bisraya hai
Shiv shankar ka mahamantra hi, sath tumhare jayega
Nirmal man ke darpan me, mahakal ke darshan payega
Pata nahi kis roop me akar, Shiv shankar mil jayega
Nirmal man ke darpan me, mahakal ke darshan payega

Jhooth kapat ninda ko tyago, har prani se pyaar karo
Ghar par aaye atithi koi to, yatha shakti satkar karo
Bhole itna dijiyega, jame kutumb sama jaaye
Mai bhi bhukha na rahu, sadhu bhi na bhukha jaaye
Pata nahi kis roop me akar, shiv shankar mil jayega
Nirmal man ke darpan me, mahakal ke darshan payega

Daulat ka abhiman hai jhutha, yeh to aani jani hai
Raja rank anek hue, kitno ki suni kahani hai
Nishchay hai to bhavsagar se, beda paar ho jayega
Nirmal man ke darpan me, mahakal kr darshan payega
Pata nahi kis roop me akar, shiv shankar mil jayega
Nirmal man ke darpan me, mahakal ke darshan payega