Dekhi Hai Teri Duniyan,
Kya Rachana Rachai Hai,
Din Raat Ke Chakkar Mein,
Kuchh Samajh Na Aai Hai,
Har Pal Jo Bit Raha,
Maan Tera Ishara Hai,
O Sherawali Maa,
Kya Khel Rachaya Hai.

Mahalon Mein Bhi Dukh Dekhe,
Aur Sadakon Pe Khushahali,
Koi Raaja Hai Qismat Ka,
Koi Kismat Se Khaali,
Sab Teri Lila Hai,
Sab Tera Phasaana Hai,
O Sherawali Maa,
Kya Khel Rachaya Hai.

Koi Phulon Pe So Na Sake,
Koi Kaanton Mein Hansata Hai,
Kahin Maut Hui Sasti,
Kahi Jivan Mahanga Hai,
Koi Khushiyon Mein Duba Hai,
Koi Gam Ka Maara Hai,
O Sherawali Maa,
Kya Khel Rachaya Hai.

Koi Janm Se Pahale Mare,
Koi Mar Ke Bhi Jita Hai,
Koi Ghaav Lagaata Hai,
Koi Jakhmon Ko Sita Hai,
Ye Kaisi Haqiqat Hai,
Ye Kaisa Nazaara Hai,
O Sherawali Maa,
Kya Khel Rachaya Hai.

Koi Dukh Ko Sukh Samajhe,
Koi Sukh Mein Bhi Rota Hai,
Aasha Aur Trishna Ka,
Kabhi Ant Na Hota Hai,
Is Bhul Bhulaiya Mein,
Pada Daas Bechara Hai,
O Sherawali Maa,
Kya Khel Rachaya Hai.

O Sherawali Maa,
Kya Khel Rachaya Hai,
Tu Pyaar Ka Saagar Hai,
Tu Man Ka Kinara Hai,
O Sherawali Maa,
Kya Khel Rachaya Hai.