मथुरा मे हरि जन्म लियो है ॥
गोकुल मे पग, धरो री कन्हैया॥
नाचे नन्दलाल, नचावे हरि की मईआ ॥

रुनुक-झुनुक पग घुँघरू वाज़े ॥
ठुमुक-ठुमुक पग, धरो री कन्हैया॥
नाचे नन्दलाल, नचावे हरि की मईआ ॥

धोतो न बांधे लाला जामो न पहिरे ॥
पिताम्बर को, बडो रे पहरैईया॥
नाचे नन्दलाल, नचावे हरि की मईआ ॥

टोपी न ओढ़े लाला साफा न बांधे ॥
मोर-मुकुट को, बडो रे ओढैईया॥
नाचे नन्दलाल, नचावे हरि की मईआ ॥

शाल न ओढ़े लाला दुशाला नहीं ओढ़े ॥
काली रे कमरिया को, बडो रे ओढैईया॥
नाचे नन्दलाल, नचावे हरि की मईआ ॥

ढूध न पीवे लाला, दही नहीं खावे ॥
माखन-मिसरी को, बड़ो रे खवैईया॥
नाचे नन्दलाल, नचावे हरि की मईआ ॥
नाचे नन्दलाल, नचावे हरि की मईआ ॥