Krishna Teri Ye Preet Mein
Mohan Teri Ye Preet Mein
Jogan Si Ban Gayi Hoon Main
Chhod Ke Moh Maya Teri
Chaukhat Pe Aa Gayi Hoon Main

Tera Naam Japne Se Mujhko Jannat Ka Wo Noor Mile
Noor Ki Lau Mein Khushiyan Barse, Man Ki Muraadein Zarur Mile
Tere Dar Se Wo Hi Lau Lene Ko Aa Gayi Hoon Main
Krishna Teri Ye Preet Mein……………..

Rom Rom Mein Tu Hai Basa, Tere Bin Jeevan Hai Adhura
Teri Rehmat Ka Saya Hai Jahan, Roshan Ho Wahan Andhera
Har Janam Tera Saath Shyama Paane Ko Aa Gayi Hoon Main
Krishna Teri Ye Preet Mein……………..

Teri Adbhut Leela Hai Sanwre Shakti Ka Avtaar Hai
Raja Gohar Ka Jeevan Arpan Charno Mein Barambaar Hai
Tujhse Yahi Var Maangne Phir Se Aa Gayi Hoon Main
Krishna Teri Ye Preet Mein……………..