Sone Ki Jhaari Mein, Ganga Jal Mangavaaya,
Maiya Ke Svaagat Mein, Chandan Chauk Puraaya,
Haathon Se Charanon Ko Dhulaayenge,
Haathon Se Charanon Ko Dhulaenge,
Saare Milakar Maa Ka Laad Ladaayenge.

Maiya Ki Pyaari Si, Chunari Hai Banavai,
Chaandi Ke Pyaale Mein, Mehandi Hai Ghulavai,
Maa Ke Haathon Mehandi Rachayenge,
Maa Ke Haathon Mehandi Rachaenge,
Saare Milakar Maa Ka Laad Ladayenge.

Maiya Ki Nathali Mein, Hira Hai Jadavaya,
Maathe Ki Bindi Ko, Sone Mein Ghadavaya,
Chaandi Ki Paayaliya Pahanayenge,
Chaandi Ki Paayaliya Pahanaenge,
Saare Milakar Maa Ka Laad Ladayenge.

Phulon Ke Pyaare Se, Gajare Hai Mangavae,
Harsh Kahe Thaali Mein, Roli Moli Lae,
Haathon Se Maa Ko Ham Sajaayenge,
Haathon Se Maa Ko Ham Sajaenge,
Saare Milakar Maa Ka Laad Ladayenge.

Maiya Ko Apane Ghar Bulaenge,
Saare Milakar Maa Ka Laad Ladaenge,
Maiya Ko Apane Ghar Bulayenge,
Saare Milakar Maa Ka Laad Ladayenge.