Duniya Ki Chaakari Mein Bita Hai Saara Jivan,
Is Bhaag Daud Mein Hi Ulajha Sada Mera Man,
Bite Javaani Bachapan, Mainne Hosh Gavaaya,
Teri Daya Se Chalake, Main Dwar Tere Aaya.

Sada Thokare Hi Khai Kabhi Main Sambhal Na Paaya,
Moh Jaal Mein Jo Jakada Usase Nikal Na Paaya,
Parivaar Paalane Ma, Mainne Samay Bitaaya,
Teri Daya Se Chalake, Main Dwar Tere Aaya.

Jaaga Jo Nind Se Main Maan Teri Yaad Aai,
Tere Hi Naam Se Hi Mainne Lagan Lagai,
Apana Raha Na Koi, Jag Ho Gaya Paraaya,
Teri Daya Se Chalake, Main Dwar Tere Aaya.

Harish Ki Jindagi Hai Maiya Tere Havaale,
Marji Hai Teri Ambe Ise Chhod Ya Sambhaale,
Bhulan Ne Mast Hok, Gunagaan Tera Gaaya,
Teri Daya Se Chalake, Main Dwar Tere Aaya
Krpa Hui Tumhari, Mujhe Tumane Jo Bulaaya
Teri Daya Se Chalake, Main Dwar Tere Aaya.