O Kanha mere, tere dar pe rahu
Tu na aankh se ik pal ojhal ho
Mai duur rahu Vrindavan se
Jeevan mei kabhi na woh pal ho

O Radhe meri, Meri Maharani
Har Ved ki tum hi Kahani ho
Jis prem jagat ka saar ho Tum
Us Prem hi amit nishaani ho

Iss Rajj mei mai kho jaaun
Iss Braj ka hi ho jaaun
Itni si Hai Dil ki Aarzu

Inn lataaon sa lehraaun
Yamuna maiyya sa beh Jaaun
Itni si hai Dil ki aarzu

O Baanke mere bade chaliya tum
Iss Braj ke tum Maharaja ho
Har Gopi yahi pukar rahi
O Kanha duur tu Na ja Ho

Braj bhoomi meri tera har kan kan
bus prem hi prem duhaai de
chaahe kaan lagaa kar sun lo tum
bus Radha Radha Sunai De

Barsane tere ghar aung
Iss ras mei hi tar jaaun
itni si hai dil ki Aarzu

Iss rajj mei mai kho jaaun
Iss Braj ka hi ho jaaun
Itni si hai Dil ki Aarzu

Tum Aadi Purush tum annt mei ho
Har paapi mei har Sannt mei ho
Tum dharti mei tum vyom mei ho
Brahmaand ke har ik Rom Mei ho

Sab kuch hokar Gopal Se tum
Mere Nand ke chote Laal se Tum
Kanha kuch aur tu na dena
Bus apni Bhakti sadaa Dena

Aakhir ki jab saans mai lu
Hey Govind tere Naam se Lu
Itni si hai Dil ki Aarzu

Iss Rajj mei mai kho Jaun
Is Braj ka hi ho Jaaun
Itni si hai dil ki Aarzu