Ganpati Ko Pratham Manaane Ki,
Devon Ne Rit Chalai Hai,
Tinon Lok Mein Chhote Ya Ho Bade,
Sab Karate Inaki Badai Hain.

Koi Paan Aur Phul Chadhate Hain,
Koi Laddu Ka Bhog Lagate Hain,
Koi Meva Thaal Sajaate Hain,
Koi Chhappan Bhog Lagate Hain.

Utsav Mein Sabhi Padhare Hain,
Bas Inaka Aana Baaki Hain,
Are Bhakton Mangalaachaar Karo,
Deva Ne Aane Ki Haan Ki Hai.

Ganapati Ji Ko Pratham Manana Hai,
Utsav Ko Saphal Banana Hai,
Shiv Parvati Ke Pyare Ko,
Bhakton Ke Bich Bulana Hai.