Prabhu Mujh Pe Kripa Kar De,
Tu To Mamata Ki Murat Hai,
Main Pyasa Hun Tu Sagar Hai,
Mujhe Teri Jarurat Hai,
Daya Ki Bund Barasao,
Mujhe Na Aur Tarasao,
Lal Main Bhi Tumhara Hun,
To Phir Kyon Besahara Hun,
O Shyam Mere Shyam,
O Shyam Mere Shyam.

Sabhi Ka Ban Gaya Main Par,
Koi Mera Na Ban Paya,
Badi Hi as Lekar Ke,
Tumhare Dar Pe Main aya,
Tumhin To Ho Meri Himmat,
Tere Bin Kya Meri Qimat,
Lal Main Bhi Tumhara Hun,
To Phir Kyon Besahara Hun,
O Shyam Mere Shyam,
O Shyam Mere Shyam.

Mere Halat Pe Madhav,
Har Koi Tanj Kasata Hai,
Tadapata Dekh Kar Mujhako,
Zamana Khub Hansata Hai,
Ye Duniya Laj Ki Dushman,
Dukhati Hai Ye Mera Man,
Lal Main Bhi Tumhara Hun,
To Phir Kyon Besahara Hun,
O Shyam Mere Shyam,
O Shyam Mere Shyam.

Dukhon Ki Rat Hai To Kya,
Sukh Ka Suraj Bhi Nikalega,
Dekh Kar Ke Mere ansu Shyam,
Tera Dil Pighalega,
Halak Pe Jan Hai Meri,
Daya Ka Dan De De Re,
Lal Main Bhi Tumhara Hun,
To Phir Kyon Besahara Hun,
O Shyam Mere Shyam,
O Shyam Mere Shyam..

Daya Thodi Si Kar Do Na,
Mere Daman Ko Bhar Do Na,
Lal Main Bhi Tumhara Hun,
To Phir Kyon Besahara Hun,
O Shyam Mere Shyam,
O Shyam Mere Shyam.