Kaam Ye Baakamaal Karta Hai
Jispe Kirpa Hai Usi Pe Padta Hai
Bhagya Bigda Hua Sanwarta Hai
Dhaal Ban Ke Dukhon Se Ladta Hai
Sankat Ko Aane Se Pahle Door Bhaga Dega
Ye Shyam Ka Ittar Hai Jeevan Mehka Dega

Shyam Charnon Me Jiska Sar Hoga
Uski Kismat Me Hi Ye Ittar Hoga
Gamon Ka Phir Na Kabhi Zikar Hoga
Itra Se Meka Jiska Ghar Hoga
Shyam Naam Ki Masti Aisi Sir Pe Chadha Dega
Ye Shyam Ka Ittar Hai Jeevan Mehka Dega

Saanwre Ka Jo Sachcha Das Hoga
Itra Chhidkaav Uspe Khaas Hoga
Itra Mahima Varnan Asambhav Hai
Itra Se Kirpa Ka Ehsaas Hoga
Ghane Andheron Me Khushiyon Ke Deep Jala Dega
Ye Shyam Ka Ittar Hai Jeevan Mehka Dega

Saanwra Jispe Jitna "MOHIT" Hai
Uska Jeevan Utna Sugandhit Hai
Itra KI Mahima Wo Hi Jaanta Hai
Shyam Se Jitna Jo Sambandhit Hai
Andhe Ko Bhi Khatu Ka Rasta Dikhla Dega
Ye Shyam Ka Ittar Hai Jeevan Mehka Dega