Teri Kripa Se Mohan Bhakton Ki Naav Chalti
Toofan Ho Ya Aandhi, Unko To Raah Milti
Haazir Hua Tu Har Pal, Bhakton Ne Jab Pukara
Majhdhaar Kya Karega Majhdhaar Bhi Kinara
Jisko Tera Bharosa, Jisko Tera Sahara

Honthon Pe Naam Tera, Dil Mein Umang Teri
Almast Sa Rahun Main, Chhayi Tarang Teri
Roshan Hain Kaali Raatein, Paakar Tera Nazara
Majhdhaar Kya Karega Majhdhaar Bhi Kinara
Jisko Tera Bharosa, Jisko Tera Sahara

Prabhu Haath Jiska Pakde Kabhi Chhootne Na Dete
Apne Gale Laga Kar Har Zakhm Ko Hain Bharte
Nandu Dayalu Mohan Bhakton Ka Rakhwala
Majhdhaar Kya Karega Majhdhaar Bhi Kinara
Jisko Tera Bharosa, Jisko Tera Sahara