Jo Roj Sabere Uth Karke,
Mere Shyam Ko Shish Navate Hain,
Jo Naam Shyam Ka Lekar Ke Hi,
Ghar Se Baahar Jaate Hain,
Jyoti Ki Bhabhuti Shraddha Se,
Jyoti Ki Bhabhuti Shraddha Se,
Maathen Pe Lagai Jaati Hai,
Us Ghar Ka Bhakto Kya Kahana,
Har Khushiyaan Pai Jaati Hain,

Jis Ghar Mein Shyam Ko Bhog Laga,
Bhojan Ko Parosa Jaata Hai,
Us Bhojan Ko Amrt Samajho,
Vo Shyaam Prasaad Ban Jaata Hai,
Jaha Bhojan Ke Har Kor Mein,
Mahima Shyam Ki Gai Jaati Hai,
Us Ghar Ka Bhakto Kya Kahana,
Har Khushiyaan Pai Jaati Hain,

Jis Ke Ghar Mein Shri Shyam Bhajan,
Sunate Hai Aur Sunaate Hai,
Jo Shyaam Prabhu Ke Charanon Mein,
Tan Man Ki Sudh Bisaraate Hai,
Jis Ke Ghar Mein Maan Bachcho Ko,
Shri Shyam Shri Shyaam Japavaati Hai,
Us Ghar Ka Bhakto Kya Kahana,
Har Khushiyaan Pai Jaati Hain,

Aise Premi Ke Ghar “Binnu”,
Mere Shyam Prabhu Bas Jaate Hain,
Us Ghar Parivaar Pe Lakhkha Shyam Dhani,
Sukh Amrt Barasaate Hai,
Vo Ghar Mandir Ban Jaaye Jahaan,
Phulo Si Khushabu Aati Hai,
Us Ghar Ka Bhakto Kya Kahana,
Har Khushiyaan Pai Jaati Hain,
Shri Shyam Prabhu Ki Jis Ghar Mein,
Haan Yah Jyot Jagai Jaati Hai,
Us Ghar Ka Bhakto Kya Kahana,
Har Khushiyaan Pai Jaati Hain