Mandir Ki seedhi Khatu Aa Kar Jo Chadhta Hai
Khatu Wale Ki Kripa Se Mauj Karta Hai

Pehli Seedhi Chadhte Hi Mukh Se Hai Nikalta Jai Shree Shyam
Dooji Teeji Seedhi Par Nikle Mukh Se Jai Khatu Dhaam
Sukh Milta Hai Apaar Har Sankat Se Ubarta Hai
Khatu Wale Ki Kripa Se Mauj Karta Hai

Chauthi Panchvi Seedhi Chadhte Hi Bante Har Bigde Kaam
Chhathi Saatvi Aathvi Seedhi Kaate Hai Kasht Tamaam
Dushman Ho Sansar Phir Bhi Kuch Na Bigadta Hai
Khatu Wale Ki Kripa Se Mauj Karta Hai

Nauvi Dasvi Seedhi Chadhte Hi Bhar Jati Dono Aankh
Gyarahvi Seedhi Se Baba Se Hoti Baaten Bebaak
Shaan Se Jeeta Hai Bade Hi Shaan Se Marta Hai
Khatu Wale Ki Kripa Se Mauj Karta Hai

Barahvi Seedhi Chadhte Hi Kirpa Ka Hota Ehsaas
Terahvi Seedhi Chadhte Hi Aa Jata Wo Ekdam Paas
"MOHIT" Hota Shyam To Premi Aage Badhta Hai
Khatu Wale Ki Kripa Se Mauj Karta Hai