Kaikayi Ka Anutaap Laut Chalo Tum Ghar Ko Ram Bhajan Lyrics Madhuri Mishra

oie_2111492bkj74nig#BHAKTIGAANE#KaikayiKaAnutaapLautChaloTumGharKo
Lyrics Name:Kaikayi Ka Anutaap Laut Chalo Tum Ghar Ko
Singer Name:#MadhuriMishra
Album Name :#RamBhajan
Published Year 2016
File Size:5MB Time Duration :03:47:00




View In Hindi Lyrics



“yah sach hai to ab laut chalo tum ghar ko |”
chaunke sab sunakar atal kaikeyee svar ko |
sabane raanee kee or achaanak dekha,
baidhavy-tushaaraavrta yatha vidhu-lekha |
baithee thee achal tathaapi asankhyataranga ,
vah sinhee ab thee haha ! gaumukhee ganga —
“haan, janakar bhee mainne na bhaarat ko jaana ,
sab sun len,tumane svayan abhee yah maana |
yah sach hai to phir laut chalo ghar bheeya ,
aparaadhin main hoon taat , tumhaaree maeeya |
durbalata ka hee chinh vishesh shapath hai ,
par ,abalaajan ke lie kaun sa path hai ?
yadi main ukasaee gayee bharat se hooon ,
to pati samaan svayan putr bhee khooon |
thaharo , mat roko mujhe,kahoon so sun lo ,
pao yadi usame saar use sab chun lo,
karake pahaad sa paap maun rah jaoon ?
raee bhar bhee anutaap na karane paoon ?
thee sanakshatr shashi-nisha os tapakaatee ,
rotee thee neerav sabha hraday thapakaatee |
ulka see raanee disha deept karatee thee ,
sabamen bhay,vismay aur khed bharatee thee |
kya kar sakatee thee maree manthara daasee ,
mera hee man rah saka na nij vishvaasee |
jal panjar-gat are adheer , abhaage ,
ve jvalit bhaav the svayan tujhee mein jaage |
par tha keval kya jvalit bhaav hee man mein ?
kya shesh bacha tha kuchh na aur is jan mein ?
kuchh mooly nahin vaatsaly maatr , kya tera ?
par aaj any sa hua vats bhee mera |
thooke , mujh par trailoky bhale hee thooke ,
jo koee jo kah sake , kahe, kyon chuke ?
chheene na maatrpad kintu bharat ka mujhase ,
he raam , duhaee karoon aur kya tujhase ?
kahate aate the yahee abhee naradehee ,
maata na kumaata , putr kuputr bhale hee |
ab kahe sabhee yah haay ! viruddh vidhaata ,—
hai putr putr hee , rahe kumaata maata |
bas mainne isaka baahy-maatr hee dekha ,
drdh hraday na dekha , mrdul gaatr hee dekha |
paramaarth na dekha , poorn svaarth hee saadha ,
is kaaran hee to haay aaj yah baadha !
yug yug tak chalatee rahe kathor kahaanee —
raghukul mein bhee thee ek abhaagin raanee |
nij janm janm mein sune jeev yah mera —
dhikkaar ! use tha maha svaarth ne ghera |—
“sau baar dhany vah ek laal kee maee |
jis jananee ne hai jana bharat sa bhaee |”
paagal-see prabhu ke saath sabha chillaee —
“sau baar dhany vah ek laal kee maee |



Download-Button1-300x157



Pleas Like And Share This @ Your Facebook Wall We Need Your Support To Grown UP | For Supporting Just Do LIKE | SHARE | COMMENT ...


Leave a Reply

Your email address will not be published. Required fields are marked *