Hanuman Chalisa in Nepali | हनुमान चालिसा ( नेपाली अनुवाद ) | Composer and Singer: Bhawin Dhungana

Hanuman Chalisa | हनुमान चालिसा ( नेपाली अनुवाद ) | Composer and Singer: Bhawin Dhungana | Nepali Translation: Bhanu Bhakta Neupane

हनुमानचालीसा
छन्दः वसन्ततिलका
अनुवादकः भानु भक्त न्यौपाने
स्वर/संगीतः भविन ढुंगाना

पर्दै गरू शरणमा म विनम्रताले
पादारविन्दरजले मन धुन्छु पैल्ये ।
श्री रामचन्द्र गुण वर्णन गर्न बढ्छु
जसबाट चार फल मिल्छ म कृत्य हुन्छ ।
अज्ञानी छु म हनुमन् ! अघि बढ्नलाई
विद्या र बुद्घि वल देऊ अनाथलाई ।
हे आञ्जनेय ! भव सागरबाट तार
संसारको दुःख र कष्ट सबै नियाल ।
हे रामभक्त ! गुण शील र ज्ञान रुप
जस्को प्रताप परिपूर्ण छ तीन लोक ।
श्री रामदूत भगवन ! बलबाहू गण्य
हौ अञ्जनीपवनका सुतनामधन्य ।
वज्रङ्गवीर वलशीलहजूर नै हौ
दुर्बुद्घि दूर गरि सन्मतिदातृ नै हौ ।
त्यो स्वर्ण झैं चमकिंदो छ शरीर आभा
झन् कर्ण कुण्डल र केश सुरम्य शोभा ।
तिम्रा सहस्तद्वयमा छ ध्वजा र बज्र
यज्ञोपवीतअति शूद्घ छ काँधभित्र ।
हौ सन्ततिशिवजीकातिमी अर्चनीय
हे केशरी तनय छौ जगवन्दनीय ।
हे रामभक्त गुण ज्ञान र शील मूर्ति
हौ राम सेवक सदातुर दिव्य दृष्टि ।
छौ रामचन्द्र प्रभुमा तिमी दत्तचित्त
श्री राम लक्ष्मण सिता मन चित्रभित्र ।
अत्यन्त सूंक्ष्म भइ जानकी भेट गर्ने
लंकापुरी दहन गर्न विशाल बन्ने ।
श्री भीमरुप धरी दैत्य असंख्य मायौ
श्री कौशलेय मनको बह ध्वस्त पार्यौ
सञ्जीवनी बुटि लिई लक्षुमण जियायौ
खूशीप्रभू हुनुभयो यशकीर्ति पार्यौ ।
प्यारो गरेर लक्षुमण सरि भाइमानी
श्री रामले वर दिए वनकीर्ति मानी ।
श्री शेषबाट गुण औ यशको छ चर्चा
श्री रामन्द्र दिनहूँ गर्छन् प्रशंसा ।
ब्रम्हादिनारद मुनीः सनकादि गणले
तिम्रै सुकीर्ति गुण गाउँदछन् सबैले ।
दिक्पाल् कुबेर यमराज सबै जहाँ छन
गीतानुवाद गुणगान् सब नित्य गर्छन् ।
रामकै शूभौशिष मिली हनुमान जाग्यौ
शुग्रीवलाई पुनः भूपतिमा पुर्यायौ ।
कान्छा बिभीषण बने नवभूपलका
तिम्रै छ हेनु यसमा अरु छैन शंका ।
लाख्मील दूर नभ मण्डल माथि सूर्जे
देखी मिठो फल भनेर कुद्यौ प्रवेगले ।
मुखमा लिएर अउँठी गतिशीलतामा
वैषम्य सागर तर्यौ मन जानकीमा ।
यो विश्वमा कति कठीन छ गर्नकार्य
तिम्रै कृपालु मनले हुन सक्छ सार्थ ।
हौ द्वारपाल तिमी राम अनन्यभक्त
आज्ञा मिले शरण रामनिवास मिल्छ ।
तिम्रै कृपा छ सब सद्गतिको मुहान
गर्छौ सधैं निडर भै प्रभुमा प्रणाम ।
बाहुल्यशक्ति तिमी आफू सम्हालि राख्ने
हुँकारबाट तीनलोक आसाध्य काँप्ने
जो भक्त छन् सुजनमा कहिल्यै खिलाप
गर्दैन भूत र पिशाच भई हतास ।
जो नित्य जप्छ हनुमन् जपनाम तिम्रो
सम्पूर्ण रोग हटि हुन्छ त्यही निरोगो ।
सत्कर्म मन बचनमा हनुमानलाई
राखे सदैव सब शंकट जान्छ भागी ।
आदर्श रामभगवान थिए तपश्वी
भू भार हर्न सब साथदियौ यशश्वी ।
तिम्रा सुभक्तजति छन् संग साथ रम्छन्
आºना मनोरथ सबै परिपूर्ण गर्छन् ।
त्रेता र सत्य कलिद्वापर चार युगमा
तिम्रो प्रताप र प्रभाव छ पूर्ण रुपमा ।
साधू र सन्तहरुको गरछौ सुरक्षा
छौ दैत्य नाशककपी प्रियराम रक्षा ।
दाताबन्यौ नवनिधी अनि अष्टसिद्धि
श्री जानकी खुश भएर कृपा गरिन् कि?
छौ रामभक्त अनुरक्त सधैं तयारी
हे दीनबन्धु ! प्रभु प्रेम दियौ सजाई ।
तिम्रा भजन र गुण कीर्तनबाट भक्त
श्री रामकै नजिकछन् बनिमुक्तजीव
तिम्रो अनुग्रह मिले पछि मृत्यु मुक्त
रामकै निवास पुगि भक्त हुनेछ उच्च ।
हे रामभक्त अनुरक्त बन्यौं तिमीमा
क्वै छैन देव प्रभु तुल्य अरु मनैमा ।
जो सम्झना गरिरहन्छ कपीशनित्य
भाग्नेछ संकट सबै सुख स्वर्ग तूल्य
गर्छौं पुकार जयकार गरी सदैव
गद्र्यौ कृपातिमी त उच्च सुदेव तुल्य ।
यो ‘चालिसा’ कन पढे शय पल्ट मात्र
त्यो भक्त हुन्छ भवसागरबाट मुक्त ।
जो चालिसा पढदछन् हनुमानमन्त्र
पीडा र कष्ट हटि हुन्छ खुला स्वतन्त्र ।
बाधा र बन्धनहरु सब चूर्ण पारी
भोगुन गुरु जनमहान सुख स्वर्ग भारी ।
श्री रामचन्द्र प्रभूको म अनन्य भक्त
सम्झें तिमी ह्दयमा बस पञ्चवक्र ।
यो तुलसीदास कपिभक्त बुझी रमाऊ
हे आञ्जनेय ! मन आसनमा सजाऊ ।
श्री राम लक्ष्मण सितात्रय साथआई
हे वज्रधारी ! सब मङ्गलका पुजारी ।
गर्छु पुकार मनमन्दिरमा सजाई
वास गर्नु वीर हनुमान सदा रमाई ।
गर्छौं पुकार जयकार गरी सदैव
गद्र्यौ कृपातिमी त उच्च सुदेव तुल्य ।
गर्छु पुकार मनमन्दिरमा सजाई
वास गर्नु वीर हनुमान सदा रमाई ।

#HanumanChalisa #HanumanChalisaInNepali #NepaliBhajan .