Aalu Singh Ji Ke Samay Me Aise Kirtan Hote The
Bhakton Ke Bhajanon Ko Sun Kar Shyam Bhi Magan Hote The
Waisa Hi Kuch Pyar Jagao Bhakton
Baba Ki Jaikar Lagao Bhakton

Shyam Bahadur Ji Ne Kewal Jai Shree Shyam Hi Bola Tha
Morchhadi Se Taala Khola Shyam Ka Aasan Dola Tha
Phir Se Wahi Lalkar Dikhao Bhakton
Baba Ki Jaikar Lagao Bhakton

Bhajan Suna Do Bhakton Aise Baba Dauda Aa Jaye
Pawan Veg Se Shyam Ko Le Kar Leela Ghoda Aa Jaye
Taar Se Aisa Taar Milao Bhakton
Baba Ki Jaikar Lagao Bhakton

Goonj Uthe Duniya Baja Do Taali Itni Zor Se
Na Jaane Kab "MOHIT' Ho Kar Aa Jaye Kis Or Se
Taali Baarambaar Bajao Bhakton
Baba Ki Jaikar Lagao Bhakton