29.09.2021 || 11am || हनुमान चालीसा || Hanuman Chalisa

हनुमान चालीसा || Hanuman Chalisa

श्री गुरु चरन सरोज रज, निज मन मुकुरू सुधारि।
वरनउँ रघुवर विमल जसु जो दायकु फल चारि।।
बुद्धिहीन तनु जानिके, सुमिरौं पवनकुमार।
बल बुद्धि विद्या देहु मोहि, हरहु कलेस विकार।।

जय हनुमान ज्ञान गुन सागर। जय कपीस तिहुँ लोक उजागर।
राम दूत अतुलित बल धामा। अंजनि पुत्र पवनसुत नामा।।
महाबीर विक्रम बजरंगी। कुमति निवार सुमति के संगी।
कंचन बरन विराज सुबेसा। कानन कुण्डल कुंचित केसा।।
हाथ ब्रज औ ध्वजा विराजै। काँधे मूंज जनेऊ साजै।
शंकर सुवन केसरी नन्दन। तेज प्रताप महा जग बन्दन।।
विद्यावान गुनी अति चातुर। राम काज करिबे को आतुर।
प्रभु चरित्र सुनिबे को रसिया। राम लखन सीता मन बसिया।।
सूक्ष्म रूप धरि सियहिं दिखावा। विकट रूप धरि लंक जरावा।
भीम रूप धरि असुर संहारे। रामचन्द्र के काज संवारे।।
लाय संजीवन लखन जियाये। श्री रघुवीर हरषि उर लाये।
रघुपति कीन्ही बहुत बड़ाई। तुम मम प्रिय भरत सम भाई।
सहस बदन तुम्हरो जस गावैं। अस कहि श्रीपति कण्ठ लगावैं।
सनकादिक ब्रह्मदि मुनीसा। नारद सारद सहित अहीसा।।
जम कुबेर दिगपाल जहाँ ते। कवि कोविद कहि सके कहाँ ते।
तुम उपकार सुग्रीवहिं कीन्हा। राम मिलाय राज पद दीन्हा।।
तुम्हरो मन्त्र विभीषण माना। लंकेश्वर भए सब जग जाना।
जुग सहस्र जोजन पर भानू। लील्यो ताहि मधुर फल जानू।।

प्रभु मुद्रिका मेलि मुख माही। जलधि लांघि गये अचरज नाहीं।
दुर्गम काज जगत के जेते। सुगम अनुग्रह तुम्हरे तेते।।
राम दुआरे तुम रखवारे। होत न आज्ञा बिनु पैसारे।
सब सुख लहै तुम्हारी सरना। तुम रक्षक काहु को डरना।।
आपन तेज सम्हारो आपै। तीनो लोक हाँक ते का।
भूत पिशाच निकट नहिं आवै। महावीर जब नाम सुनावै।।
नासै रोग हरै सब पीरा। जपत निरन्तर हनुमत बीरा।
संकट ते हनुमान छुड़ावै। मन क्रम वचन ध्यान जो लावै।।
सब पर राम तपस्वी राजा। तिनके काज सकल तुम साजा।
और मनोरथ जो कोई लावै। सोई अमित जीवन फल पावै।।
चारों जुग परताप तुम्हारा। है प्रसिद्ध जगत उजियारा।
साधु सन्त के तुम रखवारे। असुर निकन्दन राम दुलारे।।
अष्टसिद्धि नवनिधि के दाता। अस वर दीन जानकी माता।
राम रसायन तुम्हरे पासा। सदा रहो रघुपति के दासा।।
तुम्हरे भजन राम को भावै। जनम जनम के दुख बिसरावै।
अन्त काल रघुवर पुर जाई। जहाँ जन्म हरि भक्त कहाई।।
और देवता चित्त न धरई। हनुमत सेई सर्व सुख करई।
संकट कटै मिटै सब पीरा। जो सुमिरे हनुमत बलबीरा।।
जै जै जै हनुमान गुसाईं। कृपा करहु गुरुदेव की नाईं।
जो सत बार पाठ कर कोई। छुटहिं बंदि महा सुख होई।।
जो यह पढ़े हनुमान चालीसा। होय सिद्धि साखी गौरीसा।
तुलसी दास सदा हरि चेरा। कीजै नाथ हृदय महँ डेरा।।
दोहा:
पवन तनय संकट हरन, मंगल मूरति रूप।
राम लखन सीता सहित, हृदय बसहु सुर भूप।।

#babaneebkarori #babaneemkaroli
#aagoshsingal #bhaktaurbhagwan
#babaneebkaroli #babaneemkarori #hanumanji #hanumanjikiaarti #bajrangbaliarti #kainchidham #babaneebkarorisamadhisthal #babaneemkarolisamadhisthal #vrindavan #maharajjineemkaroli #maharajji #babaneebkaroriashramkashmirigate #babaneemkaroliashramkashmirigatedelhi #kashmirigatebabaneemkaroli #birlahanumanmandirkashmirigate #kainchidhaam #kainchi #kainchimandir #kainchidhammandir .